Qaraǵandy qalasynda patrýldik polısııa polki qyzmetkerleri avtokólik urlyǵyna kúdiktini jedel ustap, quqyq buzýshylyqtyń aldyn aldy, dep habarlaıdy Egemen.kz.
15 tamyz kúni tańerteń «102» jelisine N. Ábdirov kóshesindegi úı aýlasynan Toyota Carina markaly avtokóliktiń urlanǵany týraly habar tústi. Qylmysty der kezinde ashý maqsatynda aqparat dereý qaladaǵy barlyq patrýldik ekıpajdarǵa jetkizildi.
Kóp uzamaı izdestirilip jatqan kólik Erýbaev kóshesindegi janarmaı quıý beketinde ekeni anyqtaldy. Polıseılerdi kórgen júrgizýshi oqıǵa ornynan qashqan. Polısııa qyzmetkerleri sol mańǵa jaqyn jerde júrgen qosymsha narıadtardy jumyldyryp, qosymsha kúsh pen kásibı is-qımyldardyń arqasynda kólik bógelip, kúdikti ustaldy.
Kóliktiń basqarýynda 26 jastaǵy qala turǵyny ekeni anyqtaldy. Atalǵan derek boıynsha Qazaqstan Respýblıkasy Qylmystyq kodeksiniń 200-baby («Kólik quralyn urlaý») boıynsha qylmystyq is qozǵaldy. Tergeý amaldary júrgizilip jatyr.
Qaraǵandy oblysy