Qasym-Jomart Toqaevqa Aqmola oblysynyń bıylǵy birinshi jartyjyldyqtaǵy áleýmettik-ekonomıkalyq damýy men óńirdi órkendetý perspektıvasy jóninde baıandaldy, dep habarlaıdy Egemen.kz Aqordanyń baspasóz qyzmetine silteme jasap.
О́ńir ákimi Marat Ahmetjanov oblysta barlyq negizgi kórsetkish boıynsha ósim saqtalyp otyrǵanyn jetkizdi. О́ńir aýyl sharýashylyǵy ónimderiniń jalpy kólemin 1,2 trıllıon teńgege deıin jetkizip, eldiń agrarlyq sektorynyń kóshbasshysy retindegi ornyn nyǵaıtýdy kózdep otyr. Bıyl ónimdiligi óte joǵary, sonyń ishinde maıly daqyldar alqaby 2,5 ese ulǵaıdy.
Prezıdentke ınvestısııalyq jobalardy iske asyrý jóninde málimet berildi. Arshaly aýdanynda respýblıkalyq mańyzy bar Aqmola ındýstrııalyq aımaǵy quryldy. Jalpy quny 4 mıllıard dollardan asatyn ınvestısııalyq portfel jasaqtaldy. Osy arqyly 10 myńǵa jýyq jumys orny ashylady.
Memleket basshysyna áleýmettik ınfraqurylymdar qurylysynyń barysy tanystyryldy. Sońǵy eki jyl ishinde 4,7 myń turǵyn baspanaly boldy. Bul aldyńǵy jeti jyldyń kórsetkishine teń. Osylaısha, kezekte turǵan halyqtyń áleýmettik osal toby 29 paıyzǵa azaıdy. Qosshy qalasynda úleskerlerdiń máselesi oń sheshilip jatyr.
Bilim berý salasynda eki jyl ishinde 21 myń oqýshyǵa arnalǵan 33 nysan boı kóterdi. Jańa oqý jyly qarsańynda óńirde apatty jaǵdaıdaǵy jáne úsh aýysymdy mektepter máselesi tolyq sheshildi.
Jylytý maýsymyna daıyndyq josparǵa saı júrgizilip jatyr. Kókshetaýda elektr qýaty 240 Mvt, al jylý qýaty 520 Gkal/saǵat bolatyn jylý elektr ortalyǵy salyna bastady. Sý tazartý nysandarynyń qurylysy aıaqtalýǵa jaqyn. Sonyń nátıjesinde oblys ortalyǵynda turatyn 200 myń turǵyn sapaly aýyz sýmen qamtylady. Jyl sońyna deıin 9 eldi mekenge gaz qubyry tartylady.
Kezdesý sońynda Prezıdent renovasııa baǵdarlamasy arqyly halyqtyń áleýmettik osal tobyn baspanamen qamtýdaǵy oblystyń oń tájirıbesin atap ótti. Memleket basshysy egin jınaý naýqanyn uıymdastyrý, Qosshy qalasynyń damýy boıynsha tıisti sharalardy qabyldaý, sý tasqynyna qarsy júıeli jumys júrgizý, sondaı-aq ınvestısııa tartý jóninde naqty tapsyrma berdi.