Bishkek qalasynda Eýrazııa ulttyq ýnıversıtetiniń Osh memlekettik ýnıversıteti bazasyndaǵy fılıalynyń saltanatty ashylý rásimi ótti. Is-shara Qazaqstan Prezıdenti Qasym-Jomart Toqaevtyń Qyrǵyz Respýblıkasyna resmı sapary aıasynda uıymdastyryldy.
Saltanatty is-sharaǵa Ǵylym jáne joǵary bilim mınıstri Saıasat Nurbek, Qyrǵyz Respýblıkasynyń ǵylym, joǵary bilim jáne ınnovasııalar mınıstri Baktııar Orozov, Eýrazııa ulttyq ýnıversıtetiniń rektory Erlan Sydyqov, Osh memlekettik ýnıversıtetiniń rektory Qudaıberdi Qojobekov, sondaı-aq eki eldiń joǵary bilim júıesiniń ókilderi qatysty.
«Byltyr Qyrǵyzstan Prezıdentiniń Qazaqstanǵa sapary aıasynda eki eldiń jastaryn jaqyndastyra túsetin birqatar ýaǵdalastyqqa qol jetkizgen edik. Sonyń nátıjesinde L.Gýmılev atyndaǵy Eýrazııa ulttyq ýnıversıtetiniń Osh qalasyndaǵy fılıaly ashylyp otyr. Budan bólek, Qazaqstan Úkimeti qyrǵyz stýdentterine 50 grant bólip otyr. Kelesi jyldan bastap grant sanyn 60-qa deıin kóbeıtemiz dep sheshtik», dep atap ótti Memleket basshysy resmı saparynyń qorytyndysy boıynsha bergen baspasóz brıfınginde.
EUÝ-dyń Osh memlekettik ýnıversıtetindegi fılıaly ekologııa, aqparattyq-kommýnıkasııalyq tehnologııalar jáne qyzmet kórsetý salasy boıynsha mamandar daıarlaıdy. Fılıal bazasynda eki eldiń stýdentteri orys tili men ádebıeti, aýdarma isi, shet tili, jýrnalıstıka, fızıka mamandyqtary boıynsha bilim alyp, oqýyn aıaqtaǵan soń eki ýnıversıtettiń qos dıplomyn alady.
Aıta keteıik, L.N.Gýmılev atyndaǵy Eýrazııa ulttyq ýnıversıteti akademııalyq utqyrlyq jáne qos dıplomdyq bilim berý baǵdarlamalary boıynsha Qyrǵyz Respýblıkasynyń 16 ýnıversıtetimen yntymaqtasady.