Oqıǵa Erdemlı aýdanyna qarasty Aıash aýylyndaǵy Iemıshkýmý jaǵalaýy mańynda, D400 Mersın – Antalıa tasjolynda bolǵan, dep habarlaıdy Egemen.kz Haberglobal basylymyna silteme jasap.
Aldyn ala derekterge sáıkes, júrgizýshi rólde qalǵyp ketip, jol jıeginde turǵan júk kóliginiń tirkemesine soǵylǵan. Apat saldarynan eki adam, sonyń ishinde bir bala kóz jumǵan. Sonymen qatar taǵy on jolaýshy jaraqat alǵan. Aıta keteıik, jaraqattanǵandardyń arasynda jazǵy lagerge bara jatqan oqýshylar da bar ekendigi habarlandy.
Qaza bolǵandardyń deneleri tekseristen keıin máıithanaǵa jóneltilgen, al zardap shekkender jaqyn mańdaǵy aýrýhanalarǵa jetkizildi. Oqıǵa ornyna polısııa, jedel járdem, órt sóndirýshiler men jergilikti bılik ókilderi barǵan. Shaǵyn avtobýstyń bir bóligi tirkemede qalyp, dóńgelekteriniń biri júk kóliginiń astyna qysylyp qalǵany belgili bolǵan.
Júrgizýshi tergeý kezinde rólde uıyqtap ketkenin rastaǵan.