QR Eńbek jáne halyqty áleýmettik qorǵaý mınıstrligi tirkeýde turǵan 24 790 qazaqstandyqqa jumysqa ornalasý múmkindikteri jóninde SMS-habarlama joldaıdy, dep habarlaıdy Egemen.kz.
Mınıstrliktiń habarlaýynsha, bul bastama Ulttyq statıstıkalyq bıýromen birlesip júzege asyrylyp jatyr.
«Respýblıkalyq mańyzy bar qalalar men oblys ortalyqtarynyń turǵyndaryn qospaǵanda, azamattar bir mezgilde 1414 qyzmetinen aýyl sharýashylyǵy halyq sanaǵyn ótkizý úshin sanaq qyzmetkeri (suhbattasýshy) retinde jumysqa ornalasý múmkindigi týraly SMS-habarlamalar alady», delingen habarlamada.
Sonymen qatar aıta keteıik, bıyl 20 qyrkúıekten 20 qazanǵa deıin aýyl sharýashylyǵy sanaǵy ótkiziledi. Derekter arnaıy tartylǵan sanaq qyzmetkerleri arqyly, turǵyndarmen jeke suhbat júrgizý ádisimen jınalady.