О́risti ónege qaldyrǵan

Qalamy qarymdy árip­tesimiz qazirgi Jetisý oblysy, Aqsý aýdany, Oıtoǵan ­aýylynda ómirge kelgen. Bul – qazaq jyrynyń qulageri Ilııas Jansúgirov týǵan meken. Jas kúninen ataqty aqyn óleńderinen nár alǵan Aıgúl qara sózdi pir tu­typ ósti. Oqý­shy kezinen aýdan­dyq gazet­terge maqalalary jarııalan­dy.  Almatyǵa arman qýyp kelip, Ál-Farabı atyndaǵy Qazaq ult­­­tyq ýnıversıtetiniń Jýrnalıs­tı­ka ­fa­kýltetine tústi.  Joǵary ­­oqý ornynda oqyp júrip, ­eń­­bek jolyn Almaty oblystyq «Jetisý» gazetin­de tilshi bolyp bas­tady. Osyndaǵy aǵa býyn ókilderiniń tálimin aldy. Qol­tańbasyn qalyptastyrdy. So­dan keıin respýblıkalyq «Jas Alash» basylymyna ­aýys­ty. Toqsanynshy jyl­dardyń sońynda jastar gazeti jańa tynyspen jarqyrap shyq­ty. Ony oqyrmandar izdep oqıtyn. Aıgúl­diń de osy gazette juldyzy jandy. Esi­mi elge tanyldy. Onyń áleý­met, rýhanııat, mádenıet ta­qyrybyndaǵy ma­qalalaryn jurt súıip oqydy. О́ner maı­talmandarynan alǵan suhbatta­ry  eldiń qolynan túspedi. Kez kelgen máseleni tereńnen tolǵap jaz­dy. Teatrdy búge-shigesine deıin bildi. Odan soń «Qazaq ádebıeti», «Aıqyn», «Halyq sózi» basylymdarynda eńbek etti. M.Áýezov atyndaǵy Qazaq mem­lekettik akademııalyq teatrynyń bas­­pasóz qyzmetinde istedi. Ol qandaı ba­sylymda qyzmet atqarsa da jaıdary minezimen, ádemi kúlkisimen, parasatty bol­mysymen, eńbekqorlyq qasıeti­men syıly boldy.  О́zi­nen keıingi jastarǵa úlgi kórsetti.

Shyn máninde, ol – qoltań­basy aıshyqty jýrnalıst edi. Syrshyl qalam ıesi bolatyn. Onyń jazǵan dúnıesinen tu­nyq sýdaı móldirlik, tazalyq, shynaıylyq esip turatyn. Aıgúl Saıyn Muratbekov týraly jazǵan maqalasynda: «Zer qadirin zerger biler» de­gen zerdeli sóz qadirin Sa­ıyndaı bilgen jazýshy kem­de-kem shyǵar degen oı ke­ledi. Aǵylǵan-tógilgen sóz tas­qynynan týatyn kere qarys romandardy jazý bir basqa da, qysqa əńgime jazýdyń basty ereksheligi – kóp sózge urynbaı, Beıimbetshe ondyqqa dəl tıgizip jazý – ol basqa. Qazaq prozasyndaǵy qysqa əńgime jazý janrynda bul təsildi dəl Saıyn Muratbekovteı meńgergen eshkim joq», dep baǵa beredi. Dál osy sózdi aýyspaly maǵynada avtordyń ózine de qaratyp aıtýǵa bolady. Ol da kóp sózge urynbaı, oıyn ondyqqa dál jetkizetin.

Belgili jýrnalıstiń osydan on úsh jyl buryn shyqqan «Oqyrman kútken áńgime» at­ty kitabyn oqyrmandar óte jyly qabyldady. Munda av­tor qazaqtyń qabyrǵaly aqyn-jazýshylarynyń shyǵar­malary jaıynda syr shertedi. Olardyń jazý sheberligine úńiledi. Keıipkerleriniń tarıhyna toqtalady. Ásirese eshkimge syr asha qoımaıtyn asa kórnekti sýretker Muhtar Maǵaýınnen alǵan suhbatyn qyzyǵyp oqısyz.

Aıgúl Ahanbaıqyzy ómi­riniń sońyna deıin «Egemen Qazaqstan» gazetinde aıanbaı qyzmet etti. Aýyr dert qan­sha qınasa da eshkimge syr bildirmedi. Basylym be­tinde oıly suhbattary men maz­mundy maqalalary jıi jaryq kórdi. Eńbegi de eskerýsiz qal­mady. Byltyr Aqordada Pre­zıdent qolynan «Qurmet» ordenin aldy. Sonda erekshe qýanyp edi. Biraq halqymyz «Jazmyshtan ozmysh joq» dep aıtady. Árıne, onyń jýrnalıstıkada qaldyrǵan izi eshqashan óshpeıdi dep senemiz. Marqumnyń jubaıyna, uly men qyzyna, aǵaıynyna qa­lamger áriptesteri atynan kó­ńil aıta otyryp, Aıgúl  Ahan­baıqyzy qalam qýatymen, adam­shylyǵymen sońyna izgi jol, óristi ónege qaldyrdy, en­di Jaratqan Ie osyny umyt­paýdy, árkez jadymyzda jań­ǵyrtýdy násip etsin degimiz keledi.

«Qazaq gazetteri»

seriktestiginiń ujymy