Qazaqstan men Iordanııa arasynda saýda-ekonomıkalyq qarym-qatynastardy, ınvestısııalyq áriptestikti jáne ózara yntymaqtastyqty damytý máseleleri talqylanady. Kezdesýde taraptar energetıka, aýyl sharýashylyǵy men azyq-túlik qaýipsizdigi, farmasevtıka, IT jáne sıfrlandyrý, kólik logıstıkasy, týrızm, sondaı-aq gýmanıtarlyq jáne bilim berý salalary boıynsha ózekti taqyryptardy qarastyrmaq, dep habarlaıdy Egemen.kz.
Sapar aıasynda 15-ke jýyq úkimetaralyq jáne kommersııalyq kelisimge qol qoıylýy josparlanyp otyr. Bul qujattar eki el arasyndaǵy sharttyq-quqyqtyq bazany edáýir keńeıtip, ózara áriptestikti jańa deńgeıge shyǵarýǵa múmkindik beredi.
Mańyzdy oqıǵalardyń biri – Qazaqstan men Iordanııa bıznes-forýmy bolmaq. Oǵan shamamen 300-ge jýyq kásipker men ınvestor qatysyp, iskerlik kezdesýler ótkizip, kelisimsharttar jasasady dep kútiledi.
Iordanııa Koroli Abdalla II-niń Qazaqstanǵa sapary eki el arasyndaǵy yntymaqtastyqty jańa kezeńge shyǵarmaq. Qol qoıylatyn kelisimder uzaq merzimdi perspektıvada ózara saýda aınalymynyń artýyna jáne ınvestısııa tartýǵa negiz bolady.