Sıfrlandyrý jaǵdaıynda ınternet-alaıaqtyq qylmystarynyń sany kúrt ósip keledi. Sol oraıda azamattardy qorǵaý úshin Ishki ister mınıstrligi júıeli sharalardy júzege asyryp jatyr, dep habarlaıdy Egemen.kz.
Naqty ataǵanda, erte áreket etý júıeleri engizilip jatyr, kúmándi qońyraýlar men tranzaksııalar buǵattalady. Tek sońǵy aılarda ǵana 2,6 mlrd teńgeden astam qarjy urlyǵynyń aldy alyndy.
Jedel qyzmetter alaıaqtar paıdalanǵan 88 myńnan astam SIM-kartany tárkilegen, sondaı-aq 67 mln-nan astam jalǵan halyqaralyq qońyraýdyń joly kesilip otyr. Budan bólek, Mınıstrlik aldyn alý jumystaryn belsendi júrgizip jatyr. Atap aıtqanda, mektep oqýshylaryna, stýdentterge jáne zeınetkerlerge arnalǵan semınarlarda qaýipti alaıaqtyq is-qımyldardy tanı bilý jáne qarjyny qorǵaý joldary úıretiledi.