Atyraý oblysynda qaıǵyly jol apaty tirkeldi. 10 jastaǵy bala avtobýs astyna túsip, alǵan jaraqatynan kóz jumdy, dep habarlaıdy Egemen.kz.
Atyraý oblystyq polısııa departamentiniń málimetinshe, jol-kólik oqıǵasy 30 tamyz kúni, saǵat 13:30 shamasynda, Tasqala aýylyndaǵy Ortalyq kóshede bolǵan.
«Toyota Coaster markaly avtobýs júrgizýshisi mektep janyndaǵy aıaldama tusynda joldy kesip ótpek bolǵan 10 jasar balany qaǵyp ketken. Balany jedel túrde aýrýhanaǵa jetkizbek bolǵanymen, ol jolda kóz jumdy», – delingen habarlamada.
Qazirgi ýaqytta qylmystyq is qozǵalyp, sotqa deıinni tergeý bastaldy.
«Oqýshy alǵan aýyr jaraqatynan aýrýhanaǵa jetkizý kezinde qaıtys boldy. Qazir bul fakti boıynsha qajetti saraptamalar taǵaıyndalyp, tergeý amaldary júrgizilip jatyr», – dep habarlady Atyraý oblystyq polısııasy.