Almaty oblysy Talǵar aýdanynda jedel járdem kóligi jol apatyna ushyrady, dep jazady Egemen.kz.
Almaty oblystyq Jedel medısınalyq járdem stansııasynyń málimetinshe, oqıǵa 2025 jylǵy 6 qyrkúıekte, tańerteń bolǵan.
Shaqyrýǵa bara jatqan arnaıy kólik Lexus RX 300 avtokóligimen soqtyǵysyp, aýdarylyp qalǵan.
– Jol-kólik oqıǵasy saldarynan brıgada júrgizýshisi jeńil jaraqat aldy, sondaı-aq medısınalyq qyzmetker men ekinshi kóliktiń júrgizýshisi tekserilý úshin Talǵar ortalyq aýdandyq aýrýhanasyna jetkizildi, – delingen stansııa habarlamasynda.
Almaty oblysy Polısııa departamenti de oqıǵaǵa qatysty túsinik berdi.
– Aldyn ala derekterge sáıkes, arnaıy kólik júrgizýshisi baǵdarshamnyń tyıym salatyn belgisinde júrip ótip, basqa kólikpen soqtyǵysqan. Atalǵan fakti boıynsha ákimshilik is júrgizilip jatyr, – dep habarlady vedomstvo.