Áleýmettik jelilerde Astanadaǵy túngi klýbtardyń birinde 19 jastaǵy jigittiń ólimi týraly aqparat tarady, dep habarlaıdy Egemen.kz.
Kozachkov offside Telegram-arnasynyń dereginshe, jigitterdiń arasynda janjal shyǵyp, artynsha tóbeleske ulasqan. Sol sátte olardyń birine pyshaq jaraqaty salynǵan.
Elordalyq polısııa departamentiniń baspasóz qyzmeti habarlaǵandaı, kúdikti ustalyp, Astana qalasy PD-niń ýaqytsha ustaý ızolıatoryna qamaýǵa alyndy.
«Mekeme qonaqtarynyń arasynda janjal týyndap, ol tóbeleske ulasqany anyqtaldy. Oqıǵa barysynda kúdikti pyshaq jaraqatyn salyp, sonyń saldarynan 19 jastaǵy jigit alǵan jaraqatynan oqıǵa ornynda kóz jumdy», delingen habarlamada.
Atalǵan fakti boıynsha qylmystyq is qozǵalyp, tergeý amaldary júrgizilip jatyr.