Bereke aýylynda salynyp jatqan jańa medısınalyq nysannyń qurylysy tolyqtaı aıaqtaldy. Ambýlatorııa bir ýaqytta 25 kelýshini qabyldaýǵa múmkindik beredi. Qurylys jumystary 2025 jyldyń aqpan aıynda bastalyp, belgilengen merzimde qorytyndylandy, dep habarlaıdy О́ńirlik kommýnıkasııalar qyzmeti.
Ambýlatorııa ishinde balalar bólimi, tórt oryndyq kúndizgi stasıonar, jeke oqshaýlaý kabıneti, zerthana, sterılızasııalyq jáne jýý bólmeleri bar.
- Bir qabatty ambýlatorııa zamanaýı talaptarǵa sáıkes jobalanyp, qajetti ınjenerlik jáne medısınalyq ınfraqurylymmen qamtamasyz etilgen. Jańa medısınalyq nysan aýyl turǵyndaryna alǵashqy medısınalyq-sanıtarııalyq kómekti qoljetimdi ári sapaly túrde kórsetýge múmkindik beredi, - dedi Qurylys, sáýlet jáne qala qurylysy basqarmasynyń basshysy Nurbergen Qusaıynov.
Qazir óńirde eki emhana, qos dárigerlik ambýlatorııa, jedel járdem stansııasy, radıologııalyq korpýs jáne múgedekterge arnalǵan ońaltý ortalyǵynyń qurylysy júrgizilýde. Sonymen birge «Aýyldyq densaýlyq saqtaýdy jańǵyrtý» pılottyq ulttyq jobasy aıasynda 15 nysannyń qurylysy bastalyp, onyń 10-y paıdalanýǵa berildi, al qalǵan 5 nysannyń qurylysy aýyspaly túrde jalǵasýda.