Qyzylordalyq jastarǵa arnalǵan baǵdarlamaǵa qatysýshylar ótinish pen qujattaryn elektrondy túrde kezekte.kz saıtyna tirkep, «Jumys isteıtin jastarǵa arnalǵan «SyrJastary» jeńildetilgen ıpotekalyq nesıe berý» servısinde júzege asyra alady, dep habarlaıdy Egemen.kz.
Oblystyq qoǵamdyq damý basqarmasynyń basshysy Rýslan Kaıýpovtyń aıtýynsha baǵdarlamanyń jalpy quny 1 mlrd 700 mıllıon teńge, onyń 1 mlrd 200 mln teńgesi oblystyq bıýdjetten bıýdjettik nesıe retinde bólinse, 500 mln teńge «Otbasy banki» arqyly qarastyrylyp otyr.
Byltyr oblys ákimi Nurlybek Nálibaevtyń bastamasymen aımaq jastary úshin jeńildetilgen ıpotekalyq nesıe berýge baǵyttalǵan baǵdarlama aıasynda 100 jas baspanaly bolǵan. Baǵdarlamaǵa usynym berý 15 kúntizbelik kún ishinde júzege asyrylady. Odan keıin, jınalǵan ball sany boıynsha eń kóp ball jınaǵan qatysýshylar irikteledi, olarǵa elektrondy joldama beriledi. Joldamany alǵan jastar «Otbasy bankinde» tólem qabilettiligin rastaǵannan keıin kelisim-shart rásimdelip, úı tabystalatyn bolady.
Oblys, qala, aýdandyq jastar resýrstyq ortalyqtarynda «Syr jastary» baǵdarlamasy boıynsha keńes berip, qujat usynýǵa kómek beriledi.