Almatylyq «Qaırattyń» qaqpashysy Temirlan Anarbekovtiń tómengi jaq súıegi synyp, aldaǵy oıyndarda alańǵa shyǵa almaıdy. Bul týraly klýbtyń baspasóz qyzmeti málimdedi, dep jazady Egemen.kz.
«Aldyn ala qoıylǵan dıagnoz - tómengi jaq súıeginiń synýy. О́kinishke qaraı, aldaǵy kezdesýlerge qatysa almaıdy», dedi klýbtyń medıa-ofıseri Arman Jaqsyǵulov.
Anarbekov el birinshiliginiń 23-týry aıasynda «Aqtóbege» qarsy oıynda jaraqat alǵan bolatyn. Kezdesýdiń 10-mınýtynda aıyp dobynan keıin ol qonaq komandanyń qorǵaýshysy Ýche Agbomen soqtyǵysyp, oıyndy jalǵastyra almady. Fýtbolshyny alańnan zembilmen alyp shyqty.