Malaızııanyń Borneo aralynyń soltústigindegi Sabah shtatynda uzaqqa sozylǵan nóser jaýyn saldarynan bolǵan kóshkinnen kem degende 11 adam qaza taýyp, birneshe adam habar-osharsyz ketken, dep habarlaıdy Egemen.kz Sınhýa agenttigine silteme jasap.
Tabıǵı apat Kota-Kınabalý qalasyna jaqyn aýyldyń birinde oryn alǵan. Eldiń áleýmettik qamtamasyz etý departamentiniń málimeti boıynsha, sý tasqynynan zardap shekkender sany 1788-den asty, olar 12 kómek kórsetý ortalyǵyna ornalastyrylǵan.
Premer-mınıstr Anvar Ibragım zardap shekkenderge qosymsha kómek retinde 10 mıllıon rınggıt (2,38 mıllıon AQSh dollary) bólinetinin jarııalady. Buǵan deıin 11 mıllıon rınggıt qarajat qarastyrylǵan bolatyn.
Esterińizge sala keteıik, buǵan deıin Sýdannyń batysynda da kóshkin bolyp, saldarynan 1000-nan astam adam qaza tapqan edi.