Keshe ǵana Kýrchatov qalasynyń dál janynda ornalasqan alystaǵy Aqjar aýylyna baryp qaıttyq. Aýdan ortalyǵy Kóktóbeden 200 shaqyrymdaı jerde. Burynǵy polıgon aýmaǵy sanalatyn qupııasy jeterlik aımaqtaǵy aýyl. Bizge unaǵany – osy jerdegi Aqjar atyndaǵy jalpy bilim beretin qazaq orta mektebiniń tynys-tirshiligi boldy. Mektep dırektory Olımpıada Áýbákirova da, oqý isiniń meńgerýshisi Merýert Maqajanova da osy aýylda ósken, oqý bitirgen soń qaıta oralypty. Qazir mektepte 80 bala oqıdy eken. Shaǵyn ortalyqta 37 bala tárbıelense, úıde otyrǵan 76 kishkentaı bar ekenin estip qýanyp qaldyq. Kezinde eń alǵash atameken dep jetken aǵaıyndardyń, turǵylyqty halyqtyń da balalary, nemerelerimen qosylyp, urpaq jalǵasýda. Jyl saıyn jas mamandar Semeıden, Pavlodardan keletinin, olarǵa úı, kómek beriletinin estip taǵy bir qýanyp qaldyq. Jas muǵalimder Naıma Dýman, Armangúl Mutan, Bulbul Aıýpova, Gaýhar Syzdyqovalar – Shákárim atyndaǵy ýnıversıtetti bitiripti. Aına Myńjarasova Taldyqorǵannan oqý bitirip «Dıplommen – aýylǵa!» baǵdarlama aıasynda kelipti. Oqýshylary Baǵdat Qaıyrtas, Dárııa Kelgen, Aıman Elemes, Aqmaral Shalahan, Aınel Dókeı – «Altyn belgige» úmitkerler eken. Muǵalim Samat Káripjanovtyń oqýshysy Kelgen Dárııa Elbasyna arnaǵan óleńimen shyǵarmashylyq baıqaýda I oryn ıelenipti. Al, Baljan Muratqyzy «Bolashaqqa nyq qadam basqan jas ustaz» sertıfıkatymen marapattaldy.
Farıda BYQAI,
«Egemen Qazaqstan».
Pavlodar oblysy,
Maı aýdany.