Ulttyq statıstıka bıýrosynyń málimetinshe, Qazaqstanda negizgi kapıtalǵa salynǵan ınvestısııalar kólemi ótken jyldyń sáıkes kezeńimen salystyrǵanda 14,3 % ósip, 11 543,1 mlrd teńgeni quraǵan, dep jazady Egemen.kz.
Investısııanyń basty kózi kásiporyndardyń óz qarajaty bolyp otyr. Bul soma - 7 320,3 mlrd teńge.
Bıýdjet qarajaty 23% qurap, ótken jylmen salystyrǵanda 42,6% artqan. Bankterdiń qarjylandyrý úlesi – 3,5 paıyzdy kórsetken.
О́ńirler arasynda ınvestısııanyń eń joǵarǵy kórsetkishi 49,3 paıyzben Aqmola oblysy tirkegen, Aktóbe oblysynda (38,7%), Astana qalasynda (35,8%), Jambyl oblysynda (32,4%) jáne Almaty qalasynda (26,1%) baıqalǵan.
Investısııalyq qarajattyń basym 68,3% ǵımarattar men qurylystardyń salynýyna jáne kúrdeli jóndeýine baǵyttalǵan. Mashınalar, jabdyqtar jáne kólik quraldaryn alýǵa jalpy shyǵynnyń 27,2% jumsalǵan.
Salalar boıynsha negizgi kapıtalǵa salynǵan ınvestısııanyń eń kóp úlesi ónerkásipke (37,3%) tıesili (onyń ishinde taý-ken óndirý ónerkásibi men karerlerdi ıgerý – 15,7%, óńdeý ónerkásibi – 11%), odan bólek jyljymaıtyn múlik operasııalary (19,4%), kólik jáne qoıma (18%), bilim berý salasy (7,3%) da aıtarlyqtaı úleske ıe.