Búgin Shymkent qalasynda ótken «Sý ınfraqurylymyn basqarýdyń jańa úlgisi retinde sıfrlyq quraldar» atty respýblıkalyq semınar aıasynda QR О́nerkásip jáne qurylys mınıstrligi «Qazaqstandyq turǵyn úı-kommýnaldyq sharýashylyǵyn jańǵyrtý jáne damytý ortalyǵy» AQ-men, qala ákimdigimen, tabıǵı monopolııa sýbektilerimen jáne sý burý men sýmen jabdyqtaý operatorymen birlesip, sıfrlyq tehnologııalardy ulttyq deńgeıde engizý máselesin talqylady, dep habarlaıdy Egemen.kz.
«Energetıka jáne kommýnaldyq sektorlardy jańǵyrtý» ulttyq jobasy aıasynda Qazaqstanda jańa kezeń bastaldy – turǵyn úı-kommýnaldyq sharýashylyǵynda zamanaýı esepke alý jáne basqarý tehnologııalaryn keń kólemde engizý. Jobanyń maqsaty – eseptiliktiń naqtylyǵyn arttyrý, energııa tıimdiligin qamtamasyz etý, esep aıyrysýdyń ashyqtyǵyn kúsheıtý jáne kommýnaldyq saladaǵy shyǵyndardy azaıtý.
«Ulttyq joba aıasynda eseptegish quraldar óndirýshileri, aqparattyq qaýipsizdik sarapshylary, baılanys operatorlary, ákimdikter jáne tabıǵı monopolııa sýbektileri kirgen turǵyn úı-kommýnaldyq sharýashylyǵyn sıfrlandyrý jónindegi jumys toby quryldy. Bul normatıvtik aktilerge de, kásiporyndardyń óz deńgeıinde de ózgerister engizýdi qajet etetin keshendi jumys», atap ótti óz baıandamasynda QR О́nerkásip jáne qurylys vıse-mınıstri Jánnat Dúbirova.
Vıse-mınıstrdiń aıtýynsha, Qazaqstan búkil el kóleminde smart-tehnologııalardy engizýdi josparlap otyr.
«Intellektýaldy eseptegish quraldary, TPBAJ jáne jasandy ıntellekt sý jáne energııa jelilerin basqarýda adamı faktordy azaıtýǵa baǵyttaltynyn atap ótti. Kútiletin nátıje – jasandy ıntellektti paıdalaný apattylyqty tómendetýge, sý men energııa shyǵynyn 15–30%-ǵa qysqartýǵa, sondaı-aq ınfraqurylymnyń qyzmet etý merzimin uzartýǵa múmkindik beredi», deıdi ol.
Joba aıasyndaǵy jumystardyń negizgi baǵyttary:
Onlaın-derekterdi beretin zamanaýı eseptegish quraldaryn jappaı ornatý. Qurylǵylar halyqaralyq standarttarǵa saı bolady, radıomodýldermen jabdyqtalyp, otandyq kásiporyndarda óndiriledi. Kommýnaldyq sala kásiporyndarynda – sý arnalarynda, JEO-larda, EBK jáne jylý tasymaldaý uıymdarynda óndiristik prosesterdi basqarýdyń avtomattandyrylǵan júıelerin (TPBAJ) engizý. «Smart Turmys» turǵyn úı-kommýnaldyq sharýashylyǵynyń biryńǵaı sıfrlyq platformasyn ázirleý jáne iske qosý. Bul júıe el boıynsha memlekettik jáne jekemenshik derekter bazasyn biriktirip, sapaly ári senimdi aqparat negizinde saıasat qalyptastyrýǵa múmkindik beredi.Reformanyń basty maqsaty – azamattar, bıznes jáne memleket úshin esep aıyrysýdyń ashyqtyǵyn, kommýnaldyq qyzmetterdiń sapasy men qoljetimdiligin arttyrý.