Adamzatqa ortaq Naýryz meıramyn sán-saltanatpen qarsy alý qoǵamymyzda úılesimdi úrdiske aınalǵany kóńil qýantady. Halyqtyń ystyq yqylasyna bólengen osynaý merekeni elge etene «Egemen Qazaqstan» gazetiniń ujymy da jyl saıyn shynaıy peıilmen, aq nıetpen toılaýdy dástúrge aınaldyrǵan. Mine, bıyl da óz kezegimen kelip jetken aıtýly meıramdy «Egemen» keshe keshke jarasymdy túrde atap ótti.
Naýryz merekesine oraı uıymdastyrylǵan sharany «Egemen Qazaqstan» RG» AQ prezıdenti Saýytbek Abdrahmanov óziniń quttyqtaý sózimen ashty. Osynaý meıramnyń adamzattyń rýhanı ómirinde alatyn ornyna, onyń mán-mańyzyna toqtalǵan ol gazet ujymynyń Áz Naýryzdy laıyqty dárejede qarsy alyp otyrǵanyn jetkizdi. Budan keıin merekelik shara gazet qyzmetkerleriniń shaǵyn konserttik baǵdarlamasymen jalǵasty. Án aıtyldy, kúı tógildi, bı bılendi. Ásirese, úlkender jaǵynyń aqjarma kóńilmen aıtqan bata-tilekteri merekeniń shyraıyn keltirdi.
Naýryz meıramy qutty bolsyn, aǵaıyn!
Joldybaı BAZAR,
«Egemen Qazaqstan».
Sýretti túsirgen
Erlan OMAROV.