7 qazan kúni Qazaqstannyń basym bóliginde qolaıly aýa raıy kútiledi. Alaıda «Qazgıdromet» deregine sáıkes, toǵyz qalada aýa sapasy nasharlaýy múmkin, dep habarlaıdy Egemen.kz.
Sınoptıkterdiń boljamynsha, Aqtóbe, Almaty, О́skemen, Balqash, Qaraǵandy, Temirtaý qalalarynda, al túngi ýaqytta Qostanaı, Atyraý jáne Astanada atmosferalyq aýa lastanýy yqtımal.
Qolaısyz meteorologııalyq jaǵdaılar — jeldiń álsireýi, tuman, ınversııa sııaqty qubylystardyń qatar kelýinen týyndaıdy. Mundaı kezde zııandy zattar aýada jınaqtalyp, jerge jaqyn qabatta shoǵyrlanady. Sonyń saldarynan aýa sapasy tómendep, halyqtyń densaýlyǵyna teris áser etý qaýpi artady.