Elordada qazaq tilindegi alǵashqy mobıldi oıyn resmı túrde tanystyryldy. Memlekettik tildi meńgerýge, aqyl-oıdy damytýǵa arnalǵan túrli tapsyrmadan turatyn, qıyndyqty eńserip, belesterdi baǵyndyrýǵa jeteleıtin jobany Ǵylym jáne joǵary bilim mınıstrliginiń «Til-qazyna» ulttyq ortalyǵy ázirlegen. Tusaýkeserge til janashyrlary, Úkimet, Senat músheleri, memleket jáne qoǵam qaıratkerleri, ata-analar men balalar qatysty.
Oı men oıyn alańynda sóz alǵan Senat depýtattary Nurtóre Júsip, Darhan Qydyráli men Halyqaralyq «Qazaq tili» qoǵamynyń prezıdenti Raýan Kenjehanuly joba avtorlaryn quttyqtap, qazaq tilindegi zamanaýı kontentti damytýdyń mańyzyn jáne balalarǵa arnalǵan ulttyq sıfrlyq ónimderdiń strategııalyq mánge ıe ekenin atap ótti. Al Ǵylym jáne joǵary bilim mınıstri Saıasat Nurbek: «Steppe games» – memlekettik til saıasatyn ilgeriletýdegi jáne bilim berý salasyn sıfrlandyrýdaǵy róli aıryqsha, sıfrlyq ekojúıe. О́nim qazaq tilin úıretýdiń jańa, kreatıvti jáne qoljetimdi formatyn qalyptastyrýǵa yqpal etedi. Onyń ústine kreatıv ındýstrııadaǵy mazmun qundy taýarǵa aınaldy. Sondyqtan ortalyqtyń bastamasyn qoldadyq, «Astana Hub» ta jobanyń júzege asýyna atsalysty», dep pikir bildirdi.
Osydan soń «Til-qazyna» ortalyǵynyń bas dırektory Maqpal Jumabaı «Steppe games» oıynynyń negizgi qurylymyn jınalǵan jurtshylyqqa tanystyrdy. Onyń aıtýynsha, «Steppe games» jobasy memlekettik tildi balalar men jasóspirimderge oıyn arqyly úıretedi. Iаǵnı bul – «edutainment» formatyna negizdelgen alǵashqy qazaq tilindegi mobıldi oıyn. «Munda ulttyq taǵamdar, ulttyq oıyndar, tarıhı eskertkishter, salt-dástúr elementteri tapsyrmalar túrinde beriledi. О́nimniń mańyzdy bir ereksheligi, qyzyqty sıýjeti bar. Oıynnyń basty keıipkerleri Arman men Aıshanyń (bala óz atyn qoıyp oınasa da bolady) jeteleıtin serigi – tazy. «Steppe games» elimizdiń naqty geografııalyq kartasyna negizdelgen. Ár oblys – oıyn aımaǵy, ázirge Almaty men Astana qalalarynan bastadyq. Aldaǵy ýaqytta basqa da oblystardy qamtımyz. Sol kezde óńir-óńir bolyp jarysamyz desek te bolady. Oıyndaǵy jalyqtyrmaıtyn tildik jattyǵýlar men tapsyrmalar balalardy til úırenýge úzdiksiz yntalandyrady», dep túsindirdi M.Jumabaı.
Is-shara barysynda qatysýshylar qosymshany tájirıbe júzinde synap kórdi. Balalarǵa arnalǵan arnaıy oıyn aımaǵy uıymdastyrylyp, árbir kishkentaı qonaqqa estelik syılyqtar tabystaldy. Aıta keteıik, «Steppe games» mobıldi qosymshasyn «App Store» jáne «Play Market» platformalarynan júkteı alasyz.