Pavlodar qalasynda Marǵulan kóshesindegi kópqabatty turǵyn úıdiń birinde zeınetker áıel men onyń 36 jastaǵy ulynyń máıiti tabylǵan. Qaıǵyly jaǵdaı qazan aıynyń basynda bolǵan. Pavlodar oblystyq polısııa departamenti aqparatty rastady,dep habarlaıdy Egemen.kz.
Biraz ýaqyt buryn er adamnyń ákesi qaıtys bolǵan. Oqıǵa ornynan tabylǵan ózin-ózi óltirý týraly jazbada qandy oqıǵanyń sebebi retinde dál osy jaǵdaı atalǵan.
«Pavlodar qalalyq ortalyq polısııa bóliminiń tergeýshileri qala turǵyny áıeldiń ólimi jáne onyń ulynyń óz-ózine qol jumsaýy faktisi boıynsha sotqa deıingi tergeý júrgizip jatyr», delingen habarlamada.
Anyqtalǵandaı, kúdikti qylmys jasaǵan soń ózine qol jumsaǵan.
Qazir atalǵan fakti boıynsha qajetti saraptamalar taǵaıyndalyp, oqıǵanyń barlyq mán-jaıy anyqtalyp jatyr.