Ǵalymdar «Er Tóstikti» ǵun dáýirinen kele jatqan ertegige jatqyzady. Sebebi onda ejelgi túrki mıfologııasyna tán uǵymdar mol saqtalǵan. Al Shoıynqulaq, Mystan kempir, Kenjekeı syndy keıipker esimderi – babalarymyzdyń erteden ken ıgerip, temir ılegeniniń mysaly.
Ertegidegi oqıǵa Sorqudyq degen jerde ótedi. Bul – Jezqazǵannyń soltústigindegi meken. Arheologter bul mańnan qadym zamanǵy ustalardyń quraldaryn tapqan. Al geolog Qanysh Sátbaevtyń halyq aýyz ádebıetin jetik bilgeni málim. Onyń qoıyn dápterinde mynandaı jazý bar: «Myńshuńqyr. Demek bul jerde baıyrǵy ken qazba oryndary bolǵan. Anyqtaý kerek. Qaratas. Halyq uǵymynda bylaı dep temirdi emeýrin etedi. Jezqazǵan. Demek jez óndirilgen jer degen sóz». Rasynda da, ǵalymnyń túısigi aldamapty.