О́zińdi tanysań, álemdi tanısyń. Ańdap qarasaq, aqıqat – alaqanymyzda eken. El aýzyndaǵy aıqyndyqty aıtqanda, «bes saýsaqtaı bilý», «alaqanǵa salǵandaı» deýi de ejelgi túsinikten shyqsa kerek.
Kezindegi «Kókiltash» sekildi irgeli oqý oryndarynda oqytylǵan on eki pánniń eń kúrdelisi – ábjad ilimin zerttegen Ǵuzyhan Aqpanbet osy bes saýsaq arqyly aı men kúnniń esebin júrgizýge bolatynyn dáleldeıdi. «Barmaqtaǵy eki býyndy qosa eseptesek, saýsaǵymyz oısha on tórt bolady. Bul aı esebin júrgizýge qolaıly. Aıdyń kóriný merzimi – 28 kún. Apta kúnderi ár 28 jyl saıyn aıdyń dál sol kúnine qaıtalanyp kelip otyrady. Endi aıdyń tolýy, solýy dep bólsek, árqaısysy 14 kúnnen bolyp shyǵady» deıdi ǵalym. Buryn esep aımen júrgizilgen. Qazirgi Grıgorıan kúntizbesinde bir aıda 30, 31 kún aýysa beredi. Al qazaq esebinde mundaı aýysý joq.