Úkimet Memleket basshysy Qasym-Jomart Toqaevtyń halyqqa Joldaýyndaǵy tapsyrmalary aıasynda turaqty ósimdi qamtamasyz etýge, kásipkerlikti qoldaýǵa, sondaı-aq ınvestısııalyq tartymdylyqty arttyrýǵa baǵyttalǵan ekonomıkany damytý jónindegi sharalar keshenin júzege asyryp jatyr, dep jazady Egemen.kz.
Osy baǵytta memleket úlesin tómendetý jáne básekelestikti damytý qaǵıdaty júzege asyrylyp jatyr.
Bıylǵy 1 qyrkúıektegi jaǵdaı boıynsha 922,1 mlrd teńge somasyndaǵy 396 memlekettik nysan básekeles ortaǵa berildi, 69 nysan qaıta uıymdastyrýǵa nemese taratýǵa jiberilgen.
Iri memlekettik kompanııalar IPO/SPO-ǵa shyǵaryldy:
«Qazmunaıgaz» AQ – 153,9 mlrd tengege, «KEGOC» AQ – 22,6 mlrd tengege, «Eır Astana» AQ – 10,6 mlrd tengege.Ekonomıkany jańǵyrtý máseleleri jónindegi memlekettik komıssııa 3 trln teńgeden astam balanstyq quny bar 400-den asa kompanııany ońtaılandyrýdy qoldady.
2026-2030 jyldary úsh kezeńdi ońtaılandyrý josparlanǵan:
1 kezeń (2026) – 200-ge jýyq nysan;
2 kezeń (2027-2028) – 100-den astam kompanııa;
3-kezeń (2029-2030) – 60-qa jýyq kompanııa, negizinen jylý jáne energetıka salasynda.
Basty maqsat – memlekettik aktıvterdi básekeles ortaǵa berý, ekonomıkanyń tıimdiligin arttyrý jáne jeke bıznesti damytý úshin jaǵdaı jasaý. Sonymen qatar básekeles salalardaǵy memlekettik kásiporyndar sanynyń qaıtadan ósýine jol bermeý úshin normatıvtik sharttardy pysyqtaý kózdelgen. Memlekettiń kásipkerlik qyzmetke qatysýyna negiz bolatyn tustar qysqartylyp jatyr.
Ekonomıkany demonopolızasııalaý
Memleket basshysynyń tapsyrmasy boıynsha 2022 jyldan bastap Ekonomıkany demonopolızasııalaý jónindegi komıssııa jumys isteıdi. Nátıjesinde qysqa merzim ishinde buryn jeke qurylymdar baqylaıtyn aktıvter men qarajat memlekettik menshikke qaıtaryldy.
Atap aıtqanda, respýblıkalyq jáne kommýnaldyq menshikke 17 AQ men JShS-niń aksııalar paketteri men olarǵa qatysý úlesteri, Shyǵys Qazaqstan oblysyndaǵy múliktik keshen, 7 ǵımarat, 162 temirjol men qurylys nysandary, 7 avtomobıl jáne ózge de (2 myńnan astam birlik) múlikter berildi.
Budan bólek, «Qazaqstan halqyna» qoǵamdyq qoryna 1 mlrd teńge aýdaryldy. Bilim berý ınfraqurylymyn qoldaý qoryna $100 mln jáne 1,49 mlrd teńge berildi.