Orta salmaqtaǵy WBO jáne IBF tujyrymdary boıynsha chempıon otandasymyz Jánibek Álimhanuly 3 belbeý úshin tarıhı kezdesý ótkizedi. 6 jeltoqsan kúni ol kýbalyq kásibı bylǵary qolǵap sheberi Erslendı Laraǵa qarsy rıngke kóteriledi, dep jazady Egemen.kz.
Bul týraly Premier Boxing Champions (PBC) saıty resmı túrde habarlady. Jańalyqty Jánibek Álimhanulynyń ózi de paraqshasynda jarııalady.
PBC Jánibek Álimhanuly men Erslendı Lara aıqasyn boks kesheniń mańyzdy jekpe-jegine balap otyr.
Sondaı-aq, boks keshinde O'Shakı Foster Stıvena Fýltonǵa qarsy qolǵap túıistiredi. Al Iısýs Ramos Sheına Moslımen orta salmaqtaǵy WBC-diń aralyq belbeýin ıemdenýge umtylyp kóredi.
Jekpe-jekter AQSh-tyń Tehas shtaty, San-Antonıo qalasynda ornalasqan Frost Bank Center arenasynda ótedi.
Buǵan deıin Jánibek Álimhanuly 6 jeltoqsan kúngi jekpe-jegin meńzep, daıyndyqqa qarqyndy kiriskenin habarlaǵan bolatyn.
Aıta keteıik, Jánibek Álimhanuly keıingi kezdesýin Astanada uıymdastyryp, Fransııadan kelgen úmitker Anaýel Ngamıssıngeni 5 raýndta tehnıkalyq nokaýtpen tize búktirgen edi.