Amerıkalyq kásipker, Tesla men SpaceX kompanııalarynyń negizin qalaýshy Ilon Mask aldaǵy bes jylda smartfondar qoldanystan shyǵyp, olardyń ornyn jasandy ıntellektke negizdelgen qurylǵylar basady dep málimdedi. Bul týraly ol tanymal telejúrgizýshi Djo Roganmen suhbatynda aıtty, dep jazady Egemen.kz.
Mıllıarderdiń aıtýynsha, 2030 jylǵa qaraı «búgingi telefon» uǵymynyń ózi joıylady. Onyń ornyna ekranmen jáne dybystyq baılanys quraldarymen jabdyqtalǵan, tolyqtaı jasandy ıntellektke súıenetin qurylǵylar paıda bolmaq.
«Qazirgi telefon degenimiz – jasandy ıntellekt beıneanalız júrgizetin jáne baılanysqa arnalǵan radıomodýlderi bar shekaralyq túıin ǵana. Bolashaqta sizdiń qurylǵyńyzdaǵy II servermen tikeleı baılanysyp, oıyńyzdy aldyn ala sezetin deńgeıge jetedi», dedi Mask.
Sarapshylar mundaı tehnologııalyq betburystyń shyndyqqa aınalýy úshin jahandyq ınfraqurylym men etıkalyq normalardy jetildirý qajet ekenin aıtady. Degenmen, Masktyń pikirinshe, adam men mashınanyń arasyndaǵy shekara barǵan saıyn joıylyp, aqparat almasý tabıǵı úrdiske aınalady.