Ultymyzdyń zııatkerlik murasy sanalatyn toǵyzqumalaqtyń halyqaralyq aýqymy taǵy bir elmen tolyqty. Islamabadta Pákistan Toǵyzqumalaq federasııasy ashylyp, Dúnıejúzilik Toǵyzqumalaq federasııasymen yntymaqtastyq týraly kelisimge qol qoıyldy, dep jazady Egemen.kz.
Resmı is-sharaǵa Dúnıejúzilik Toǵyzqumalaq federasııasynyń vıse-prezıdenti Maqsat Ramanqulov, Qazaqstan federasııasynyń prezıdenti Ákim Tursun, atqarýshy dırektor Serik Aqtaev, sondaı-aq Qazaqstannyń Pákistandaǵy tótenshe jáne ókiletti elshisi Erjan Qystafın qatysty.
Jınalys barysynda Pákistan Toǵyzqumalaq federasııasynyń alǵashqy prezıdenti bolyp eldiń Ishki ister vıse-mınıstri Davýd Bareash saılandy.
Jańa uıymnyń qurylýyna Qazaqstan elshiliginiń qoldaýy aıryqsha yqpal etti. Elshilik bastamasymen Islamabadta salynyp jatqan «Dostyq» sport kesheninde qazaqtyń dástúrli sport túrleri – qazaq kúresi men toǵyzqumalaq turaqty túrde damytylady. Aldaǵy ýaqytta Pákistannyń basqa da iri qalalarynda osyndaı sport ortalyqtaryn ashý josparlanyp otyr.