PETROPAVL. 21 naýryz. M. Qozybaev atyndaǵy Soltústik Qazaqstan memlekettik ýnıversıtetiniń astrofızıkalyq ortalyǵyna jınalǵan jurtshylyq saǵat 16-lar shamasynda Kúnniń tutylýyn bir saǵatqa jýyq baqylady. Bul týraly egemen. kz tilshisi habarlady.
Fızıka kafedrasynyń dosenti Andreı Solodovnıktiń aıtýynsha, teriskeıde tabıǵattyń mundaı qubylysy sońǵy ret 2008 jyly baıqalǵan. Bul joly Aı Kúnniń betin jarym-jartylaı ǵana japqan.
«Elimizdiń ózge aımaqtaryna qaraǵanda soltústik óńir turǵyndary Kúnniń tutylýyn aıqynyraq kóre aldy. О́ıtkeni, soltústikke jaqyndaǵan saıyn bul qubylys barynsha aıqyn ańǵarylady. Máselen, Aıdyń Kúnniń betin tolyq jabýy Soltústik Muzdy muhıt aýmaǵynda oryn aldy»,– deıdi ǵalym.
Folga jyltyr qaǵazyn, DVD-dıskin, kúıdirilgen áınekti kózge kólegeıleý arqyly da Kúnniń tutylýyn tamashalaýshylar qatary kóp boldy.
Desek te, ovservatorııamen baqylaýshylar Kúnniń tutylýyn jaqsy tamashalady.
О́mir Esqalı.
Derek: egemen.kz
Sýret: egemen.kz