Zerendi aýdanyndaǵy Shaǵalaly ózeniniń arnasyn tazalaý jáne úsh sý jınaqtaýshy toǵan salý jumystarynyń 98 paıyzy aıaqtaldy. Qalǵan jumystar boıynsha toǵandardyń eńis bóligine tas tóseý júrgizilýi tıis. Joba «Qazaq Union» JShS «Demeý Qazaqstan qory» korporatıvtik qorynyń qarjylaı qoldaýymen júzege asyrylyp jatyr, dep habarlaıdy Egemen.kz.
О́zen arnasyn 3,6 shaqyrymǵa tereńdetip, úsh toǵan salý kózdelgen. Iske asyrý merzimi – 17 aı, qurylys-montaj jumystary jyl sońynda aıaqtalmaq.
Sandyqtaý aýdanynda Balkashıno aýyly mańyndaǵy Jabaı ózeniniń jaǵalaý syzyǵy boıynda arnany túbin tereńdetý jáne jaǵalaýdy nyǵaıtý jumystary jalǵasýda. Jobany «Selıngıdroteh» seriktestigi qolǵa alǵan, qarjylandyrý «Demeý Qazaqstan qory» esebinen qamtamasyz etilgen.
Jobaǵa sáıkes, Jabaı ózeniniń 5,2 shaqyrymdyq bóliginde arnany túzeý jáne tazalaý júrgiziledi. Búginde eki ýchaskede arna túzetilip, tereńdigi úsh metrge deıin tereńdetildi, jalpy 52 gektar aýmaqta qamys pen aǵash ósimdikterinen tazalaý jumystary atqaryldy. Oń jáne sol jaǵalaýda qorǵanys bógetteri turǵyzyldy. Jalpy oryndalǵan jumystar kólemi – 95 paıyz, qazirgi ýaqytta ózen túbin zemsnarıadtarmen pysyqtaý támamdalyp qaldy.
Aqmola oblysy