Atyraý qalasynda reıske tirkelý kezinde jarylǵysh zat bar dep jalǵan aqparat bergen er adam ustaldy, dep habarlaıdy Egemen.kz polısııa departamentine silteme jasap.
Oqıǵa 8 qarasha kúni Atyraý–Almaty baǵytyndaǵy reıske tirkeý kezinde bolǵan. Er adam áýejaı qyzmetkerlerine qol júginde bomba bar ekenin aıtyp, dúrbeleń týdyrǵan.
Polısııanyń kóliktegi departamenti málim etkendeı, bul fakt QR Qylmystyq kodeksiniń 273-baby – «Terrorızm aktisi týraly kórineý jalǵan habar taratý» boıynsha tirkelgen.
«Qazir sotqa deıingi tergeý bastaldy. QR Qylmystyq-prosestik kodeksiniń 201-babyna sáıkes, tergeý málimetteri jarııa etilmeıdi», – delingen polısııa habarlamasynda.
Atyraý áýejaıy evakýasııalanbady, zardap shekkender men japa shegýshiler joq. Barlyq reıs óz kestesine saı júzege asyrylyp jatyr.