2025 jyldyń qazan aıynda Astana, Almaty qalalarynda jáne toǵyz oblysta qarýdyń zańsyz aınalymyn toqtatý maqsatynda birqatar jedel-izdestirý is-sharalary júrgizildi, dep habarlaıdy Egemen.kz UQK baspasóz qyzmetine silteme jasap.
Osy ýaqyt ishinde polısııa organdarymen birlese jáne prokýratýranyń úılestirýimen barlyǵy 40 qarý birligi tárkilendi. Olardyń ishinde jaıaý áskerge arnalǵan ot atqysh, tórt Kalashnıkov avtomaty, 12 tapansha, 23 myltyq, bes granata jáne 800-den astam oq-dári bar.
«Atalǵan derekter boıynsha tergeý jáne jedel-izdestirý is-sharalary júrgizilip jatyr. Qylmystyq-prosestik kodekstiń 201-babyna sáıkes ózge aqparat jarııalaýǵa jatpaıdy, delingen habarlamada.
UQK zańsyz qarý men oq-dáriler aınalymyna qarsy is-qımyldy jalǵastyryp keledi.