Jer resýrstaryn tıimdi paıdalanýdyń mańyzdylyǵyn kózdegen Prezıdent tapsyrmasy sheńberinde 2025 jyly Aýyl sharýashylyǵy mınıstrligi maqsatyna saı paıdalanylmaǵan nemese zań buzýshylyqtarmen berilgen jerlerdi qaıtarý jónindegi jospardy merziminen buryn oryndap otyr, dep jazady Egemen.kz.
Jumys respýblıkalyq, oblystyq, aýdandyq deńgeılerde júıeli túrde júrgizildi. Jerdi qaıta bólý jóninde qurylǵan respýblıkalyq komıssııanyń 3 jáne oblystyq jumys toptarynyń 42 otyrysy ótip, tekserý nátıjeleri men aldaǵy sharalar talqylandy.
Tekserýler 2,2 mln gektar jerdi qamtyǵan: 1,8 mln gektar boıynsha 1 286 uıǵarym berilgen, 281,4 myń gektar jerge qatysty sot prosesteri jalǵasyp jatyr. Al buryn paıdalanylmaǵan 464,7 myń gektar jerdi jer paıdalanýshylar óz betimen ıgere bastady.
Memleket basshysy Joldaýynda «Jer ıesiz qalmaýy kerek, ony tek onyń qadirin biletinderge berý qajet» dep atap aıtqany málim. Qaıtarylǵan jerlerdiń 704,7 myń gektary halyqqa berildi: onyń ishinde 176,6 myń gektary – qoǵamdyq jaıylymdar, 528,1 myń gektary – aýyl sharýashylyǵy taýar óndirýshilerine konkýrs arqyly bólindi.
Sala mınıstrliginiń málimetinshe, jospardyń merziminen buryn oryndalýy jer resýrstarymen jumys isteýdiń tıimdiligin, jerdi utymdy paıdalaný úshin jaǵdaı jasalǵanyn jáne aýyl sharýashylyǵynyń odan ári damýyna serpin berilgenin kórsetedi.
«Jer amanaty» komıssııasy men «AMANAT» partııasy prosesstiń ashyqtyǵyn jáne qoǵamnyń qatysýyn qamtamasyz etti.