Qyzmet babynda aýyr bas jaraqatyn alǵan áskerı qyzmetshi Erbaıan Mýhtar Túrkııada ótken emin aıaqtap, elimizge oraldy, dep habarlaıdy Egemen.kz.
Astananyń áýejaıynan túsirilgen vıdeony zańger Inga Imanbaı áleýmettik jelige jarııalady. Quqyq qorǵaýshynyń aıtýynsha, Muhtardyń jaǵdaıy turaqty.
«Dárigerler emniń áserin kórý úshin kem degende 3 aı qajet ekenin aıtty. Sol ýaqyttan keıin Erbaıan qaıtadan Stambýlǵa baryp, qalpyna keltirý sharalaryn jalǵastyrady», delingen vıdeoda.
Zańger Erbaıan Muhtardyń shetelde eki ret em qabyldaǵanyn atap ótti.
Eske salsaq, Erbaıan Mýhtar 2023 jyldyń jeltoqsanynda aýrýhanaǵa túsken. Oǵan bes ota jasalǵan, biraq nátıje bolmaǵan. Jas jigit qyzmet atqarǵan Ulttyq gvardııa bólimshesinde ata-anasyna onyń dárethanada qulap, basyn jerge soqqany habarlanǵan.
Alaıda Ulttyq gvardııa soldatty urǵan bolýy múmkin degen aqparatty joqqa shyǵarǵan.
2025 jylǵy aqpan aıyna deıin Erbaıannyń isinde eshbir kúdikti anyqtalmaǵan.