Soltústik Qazaqstan oblysynyń Mamlıýt aýdanynyń soty dene shynyqtyrý pániniń muǵalimi Andreı Zıankınniń KMM «Mamlıýt sanatorıılik orta mektebi-ınternatyna» qarsy talap aryzyn ishinara qanaǵattandyrdy, dep jazady Egemen.kz.
Oqý-aǵartý, ǵylym jáne joǵary bilim qyzmetkerleri salalyq kásipodaǵy baspasóz qyzmetiniń málimdeýinshe, pedagog sottan aptasyna keminde 16 saǵattyq oqý júktemesin belgileýdi, tólenbegen eńbekaqyny jáne moraldyq zııannyń ótemaqysyn óndirýdi talap etken.
Sot A.Zıankınniń birneshe jyl zańda belgilengen normadan tómen júktememen jumys istegenin anyqtady. Al bastaýysh synyp muǵalimderi dene shynyqtyrýdan da saǵat alyp, artyq júktememen eńbek etip kelgeni belgili boldy. Zańsyzdyqty eńbek ınspeksııasynyń tekserisi de rastaǵan.
Jaǵdaıdy anyqtaýǵap oqý-aǵartý, ǵylym jáne joǵary bilim qyzmetkerleri salalyq kásipodaǵynyń ókilderi qatysyp, pedagogtyń Salalyq kelisim talaptaryn saqtaý jáne normatıvtik júktemeni qamtamasyz etý jónindegi talaptaryn qoldady. Sot sheshimimen mektep A.Zıankınge aptasyna keminde 16 saǵattyq oqý júktemesin belgilep, 20 000 teńge mólsherinde moraldyq zııannyń ótemaqysyn tóleýge mindetteldi.