Densaýlyq saqtaý mınıstrligi MÁMS (Mindetti áleýmettik medısınalyq saqtandyrý) pen TMKKK (Tegin medısınalyq kómektiń kepildendirilgen kólemi) aıasynda satyp alynatyn dárilerdiń baǵasyn tómendetip jatyr, dep jazdy Egemen.kz.
Densaýlyq saqtaý mınıstriniń orynbasary Tımýr Muratovtyń aıtýyna qaraǵanda, atalǵan baǵyttaǵy jumystar nátıjesinde 4,9 myńnan asa dári túriniń baǵasy retteledi.
Al Medısınalyq jáne farmasevtıkalyq baqylaý komıtetiniń tóraǵasy Baýyrjan Júsipov dárihanalardaǵy dári-dármek baǵasyna monıtorıng júrgiziletinin jetkizdi.
«Bizde kelesi jyly dári-dármek qymbattaıdy degen aqparat joq. Biz dárihanalardaǵy dári-dármektiń baǵasyna monıtorıng júrgizemiz. Qazan aıynyń qorytyndysy boıynsha ortasha eseppen halyq jıi qoldanatyn 50 shaqty dárige júrgizilgen monıtorıng nátıjesine sáıkes, baǵanyń ortasha alǵanda 10-11 paıyzǵa tómendegenin baıqadyq. Bul úrdis ári qaraı jalǵasady dep úmittenemiz», – dedi Baýyrjan Júsipov.