2025 jylǵy 7 qarashadaǵy Úkimet qaýlysymen mindetti kásiptik zeınetaqy jarnalaryn júzege asyrý qaǵıdalaryna ózgerister engizildi, dep habarlaıdy Egemen.kz.
Atap aıtqanda, mindetti kásiptik zeınetaqy jarnalaryn esepteý kezinde qyzmetkerdiń Salyq kodeksinde kózdelgen barlyq aılyq tabystary eskeriletini naqtylandy.
Mindetti kásiptik zeınetaqy jarnalaryn esepteý kezinde kelesi tólem túrleri eskerilmeıdi:
Salyq kodeksiniń 365-babynda kórsetilgen (jeke tulǵanyń tabysy bolyp sanalmaıtyn) tólemder;
Tabys kózi bolyp tabylatyn tulǵanyń salyq salynatyn tabysyn azaıtatyn tólemder.
Mindetti kásiptik zeınetaqy jarnalaryn tóleýge arnalǵan shyǵyndar agenttiń eńbekaqy qorynyń quramyna kiredi.
Jalpy, túzetýler myna baǵyttarda engizildi:
Biryńǵaı jınaqtaýshy zeınetaqy qoryna (BJZQ) aýdarylmaıtyn jáne mindetti kásiptik zeınetaqy jarnalary (MKZJ), sondaı-aq jumys berýshiniń mindetti zeınetaqy jarnalary (JMZJ) eseptelmeıtin tólemder men tabystardy anyqtaý;
Internet-platformalar men mobıldi qosymshalar arqyly qyzmet kórsetetin nemese jumys atqaratyn jeke tulǵalar úshin platformalyq jumyspen qamtýdyń ınternet-platformasy operatorynyń mindetti zeınetaqy jarnalaryn tóleý agenti retinde belgilenýi;
О́zin-ózi jumyspen qamtyǵandar úshin arnaıy salyq rejımin (ASR) qoldanatyn tulǵa uǵymynyń engizilýi;
О́zin-ózi jumyspen qamtyǵandar úshin ASR qoldaný kezinde mindetti zeınetaqy jarnalarynyń esepteý obektisin, mólsherlemesin jáne tóleý merzimin aıqyndaý;
Mindetti zeınetaqy jarnalary (MZJ) men mindetti kásiptik zeınetaqy jarnalary (MKZJ) boıynsha bereshek somasy 6 aılyq eseptik kórsetkishten (AEK) asqan jaǵdaıda, memlekettik kirister organynyń qaryz týraly habarlama jiberý jáne shara qoldaný tártibin belgileý.
Qujatta kórsetilgendeı, mindetti zeınetaqy jarnalary men mindetti kásiptik zeınetaqy jarnalary boıynsha 6 AEK-ten astam bereshek ótelmegen jaǵdaıda, agent qyzmetkerler tizimin memlekettik kirister organyna habarlama tabys etilgen kúnnen bastap 15 jumys kúni ishinde usynýy tıis.
Memlekettik kirister organy bereshek 6 AEK-ten asqan kúnnen bastap 5 jumys kúninen keshiktirmeı, jumys berýshiniń mindetti zeınetaqy jarnalary boıynsha bereshek somasy týraly habarlamany agentke joldaıdy, ol keıinnen Memlekettik korporasııa arqyly BJZQ-ǵa aýdarylady.
Habarlama agentke qolhatpen jeke tabystalady nemese jiberilgen jáne alynǵanyn rastaıtyn tásilderdiń birimen joldanady.
Sondaı-aq, eger jumys berýshiniń mindetti zeınetaqy jarnalary boıynsha 6 AEK-ten asatyn bereshek ótelmese, memlekettik kirister organy agenttiń bank shottary men kassasy boıynsha shyǵys operasııalaryn habarlama tabys etilgen kúnnen keıin on jumys kúni ótken soń toqtatady.
Qaýly 2026 jylǵy 1 qańtardan bastap kúshine enedi.