Jalaǵash aýdanynda Harvest Kazakhstan agroónerkásiptik klasteriniń jobasy júzege asyrylmaq. Joba óńirde joǵary tehnologııaly sýarmaly eginshilikti damytýǵa, azyq-túlik qaýipsizdigin kúsheıtýge jáne jańa jumys oryndaryn ashýǵa baǵyttalǵan, dep habarlaıdy Egemen.kz
Joba aıasynda 20 000 gektar jerge avtomattandyrylǵan sýarý júıeleri ornatylyp, júgeri, soıa jáne tehnıkalyq kenep (konoplıa) ósiriledi. Barlyq agrotehnıkalyq úderis jasandy ıntellekt pen telemetrııa júıesi arqyly basqarylady. Atalǵan keshenniń jumysymen Qyzylorda oblysyna jasaǵan jumys sapary kezinde Memleket basshysy Qasym-Jomart Toqaev ta tanysyp shyqqan edi.
О́ndiristik keshen quramynda kenep talshyǵyn óńdeıtin zaýyt, maı óndirý sehy jáne 100 myń tonnaǵa deıin astyq saqtaıtyn qoıma kesheni salynady. Jobanyń jalpy ınvestısııa kólemi – 51 mlrd teńge. Barlyq jumysty 2025-2028 jyldary iske asyrý josparlanǵan.
Bul joba eksportqa baǵyttalǵan jáne jyl saıyn 70 myń tonna júgeri, 20 myń tonna soıa men 42 myń tonna kenep ónimderin óndirýdi kózdeıdi.
«Bizdiń maqsatymyz – tek shıkizat óndirý emes, tolyq ekojúıe qalyptastyrý: jer men sýdan bastap, taýardy tolyq óńdeý men eksportqa deıin qamtylady», deıdi kompanııa dırektory Daýlet Ývashev.
Joba nátıjesinde 150-den astam jańa jumys orny ashylyp, óńirdiń agroónerkásiptik áleýeti aıtarlyqtaı artady.