Bul týraly Atom energetıkasy agenttigi tóraǵasynyń orynbasary Ǵumar Serǵazın Senattaǵy brıfıngte málimdedi, dep habarlaıdy Egemen.kz.
Serǵazınniń aıtýynsha, konkýrsqa ótinimder 25 qyrkúıekten 10 qazanǵa deıin qabyldandy. 2025 jylǵy 25 qyrkúıekte saǵat 12:00-de eGov Mobile mobıldi qosymshasynda bastalǵan baıqaýǵa 27 myńnan astam adam qatysty.
«Konkýrs komıssııasy óz otyrysynda sheshim shyǵaryp, naqty habarlaıdy. Jaqyn arada, osy aıdyń sońyna deıin belgili bolady», dedi agenttik tóraǵasynyń orynbasary.
Buǵan deıin agenttik basshysy Almasadam Sátqalıev qazaqstandyqtardyń alǵashqy AES-ke qandaı ataýlar usynǵanyn aıtqan bolatyn.