«Sheber qoldan shyqqan terme baýlar tórde aıqasyp, kire bergende kózińe soǵylady». Iá, Ǵabıt Músirepovtyń «Ulpan» shyǵarmasynan alynǵan osy bir ǵana sóılemde on saýsaǵynan óner tamǵan halqymyzdyń ismerligi tilimizdegi sózdiktiń altyn qorymen sıpattalady. Oblys ortalyǵy Kókshetaý qalasynda qolóner sheberleriniń baıqaýy ótti. Qazaqstan halqy Assambleıasynyń 30 jyldyǵyna oraı uıymdastyrylǵan is-sharada jıyrmaǵa tarta sheber baqtaryn synady, dep jazady Egemen.kz.
Qatysýshylar qarapaıym kartınadan qazaqtyń bes qarýyna deıin túrli qolóner buıymdaryn jasap ákelgen eken. Kórmege qoıylǵan buıymdar qatarynda kıizden, teriden, qyshtan jáne metaldar men aǵashtan jasalǵan zattar oryn aldy.
«О́zime unaıtyn ártúrli metaldan kóptegen zattardy jasaımyz. Mysaly, búgingi qatysqan oblystyq baıqaýǵa «5 qarýymdy» metaldan jasap ákeldim. Qara temirdi qyzdyryp, soǵyp, sýretterin bezendirip, osyndaı 5 qarý jasadym. Naıza, qylysh, qalqan, aıbalta, saraınany jasadym. Jalpy, jumysbasty adam bolǵan soń, asyqpaı kúndelikti 1-2 saǵat zeıin qoıyp, kóńil bólip, muqııat osy isti atqarýyma shamamen 6 aıdaı ýaqytymdy jumsadym», deıdi jeńimpaz atanǵan Shoqan Ýálıhanov ýnıversıtetiniń materıaldardy kórkemdep óńdeý pániniń oqytýshysy Rústem Sháripov.
Baıqaý qorytyndysy boıynsha jeńimpazdar baǵaly syılyqtarmen marapattaldy.