ASTANA. 22 naýryz. Tbılısıde ótip jatqan dzıýdodan «Gran-prı» týrnıriniń ekinshi jarys kúninde qazaq dzıýdoshysy Dastan Yqybaev (73 kg) kúmis júldeni qorjynǵa saldy. Bul týraly egemen.kz habarlady.
Qazaq palýany fınalǵa deıin tórt beldesý ótkizdi. Naqty aıtar bolsaq, Denıs Iаrsev (Reseı), Davıd Nıkogosıan (Armenııa) Gýseın Ragımlı (Ázerbaıjan) jáne tatamı qojaıyny Zvıala Kapanadzemen kúsh synasyp, barlyǵynda basym tústi. Sonyń ishinde úsh beldesýde taza jeńiske (ıppon) qol jetkizdi. Fınalda taǵy bir Ázerbaıjan dzıýdoshysy Rýstam Orýdjovpen beldesti. Bul synda Orýdjovtyń sheberligi basym boldy. Vaza-arı jáne ıýko ádisterin jasap, upaı alǵan ol Dastanǵa laıyqty qarsylyq kórsetýge múmkindik bermedi.
Bul salmaqta qola medal Grýzııa dzıýdoshylaryna buıyrǵanyn aıta keteıik. Lasha Shavdatýashvılı men Nýgzar Tatalashvılı úshinshi oryn úshin beldesýde qarsylastarynan aılasyn asyrdy.
Yqybaevtyń bul kúmis medali ázirge onyń sporttyq mansabyndaǵy eń joǵary jetistigi. Buǵan deıin ol 2013 jyly Almatyda ótken «Gran-prı» týrnırinde qola medal oljalaǵan bolatyn.
Sonymen qatar, bul kúni Ertýǵan Tórenov (73 kg) pen Ázız Qalqamanuly (81 kg) da tatamıge shyqty. Alaıda, olar toptyq synnan asa almady. Al áıelder arasyndaǵy básekede Marhabat Qýatbekova (63 kg), Dınara Qýdarova jáne Dilbár О́mirálıevalar (ekeýi de 70 kg) óz beldesýlerin ótkizip, alǵashqy aınalymdarda qarsylastaryna ese jiberdi.
Búgin Áset Ahmetjanov, Aıbol Aıtbek (ekeýi de 90 kg), Vıktor Demıanenko (100 kg), Erjan Shynkeev, Rýslan Ábdirazaqov (ekeýi de +100 kg) jarys jolyna shyǵady.
Elaman Qońyr.
Derek: egemen.kz.
Sýret: judoinside.com.