Búgin Aqbulaq shaǵynaýdanyndaǵy úılerge gaz jáne kómirtek totyǵynyń taralýyn anyqtaıtyn datchıkter ornatyla bastady, dep jazady Egemen.kz.
«Qys mezgilinde jylytý qurylǵysyn durys paıdalanbaý saldarynan órt qaýpi artady. Sol sebepti turǵyndarǵa negizgi órt qaýipsizdigi talaptaryn túsindiremiz. Qatty otynmen nemese tabıǵı gazben jumys isteıtin jylytý júıeleriniń árdaıym jaramdy bolýyn qadaǵalaýdy eskertemiz», dedi Almaty qalasy TJD memlekettik órt baqylaý basqarmasynyń basshysy Konstantın Kanın.
Sondaı-aq mamandar shaǵynaýdandaǵy áli gazǵa qosylmaǵan úılerdi de aralap kórdi.
60 jeke úı tekserilip, 10 kómirtek totyǵy datchıgi ornatyldy.
Jyl basynan beri shaǵynaýdanda turǵyn úıdegi qaýipsizdik máselesine qatysty múlik ıeleriniń birlestigi, páterler ıeleriniń kooperatıvi jáne kondomınıýmdarmen birlesip165 jınalys ótkizilgen.
2018 jyldan beri qala jáne aýdan ákimdikteriniń qoldaýymen almatylyqtardyń úıine 1 628 kómirtegi totyǵy datchıgi ornatylǵan. Qosymsha taǵy 642 qurylǵy satyp alynyp, qala aýdandaryndaǵy úılerdi datchıkpen qamtý isi jalǵasady.