Kaspıı qubyrjelisi konsorsıýmy (KQK) jeltoqsan aıynda CPC Blend markaly munaı eksportyn táýligine 1,7 mln barrelge deıin ulǵaıtýdy josparlap otyr. Qarasha aıyndaǵy jospar – táýligine 1,45 mln barreldi quraǵan, dep habarlaıdy Egemen.kz.
Reuters dereginshe, eksporttyń ósýi eki negizgi faktorǵa baılanysty:
- Teńiz ken ornynda qazan-qarasha aılarynda júrgizilgen jóndeýden keıin óndirý kóleminiń artýy;
- Reseılik óndirýshilerdiń qosymsha jetkizilimderi.
Sonymen qatar, naqtylanǵan jóneltý jospary budan da joǵary bolýy múmkin. Sebebi KQK-nyń Ońtústik Ozereevkadaǵy teńiz termınalyndaǵy toqtatýlar qarasha aıyndaǵy jospardyń tolyq oryndalýyna kedergi keltirgen, al birqatar kólemder jeltoqsanǵa aýystyrylyp jatyr.
Kaspıı qubyrjelisi konsorsıýmy Qazaqstan munaıynyń 80%-dan astamyn eksporttaýdy qamtamasyz etedi. Qubyr jelisi Teńiz jáne basqa da ken oryndaryn Novorossıısk mańyndaǵy Ońtústik Ozereevka teńiz termınalymen baılanystyrady.
Aksıonerler quramy: Reseı – 31%, Qazaqstan – 20,75%, Chevron – 15%, qalǵan úles – jeke kompanııalar.
Derekterde aıtylǵandaı, KQK baspasóz qyzmeti jedel eksport kólemderine túsinikteme berýden bas tartqan.