Jergilikti fýtbol klýbynyń dırektory Qýandyq Jaqııalıev bas bapker Vıtalıı Jkýovskıımen kelissóz júrgizdi, dep jazady Egemen.kz.
«Klýb dırektory Mınsk qalasyna baryp, bas bapkermen kelissóz júrgizdi. Kezdesý nátıjesinde taraptar aldaǵy maýsymdy birge bastaýǵa kelisimge keldi. Bas bapker Vıtalıı Jýkovskıı «Atyraý» fýtbol klýbymen kelisimshartty uzartty», dep habarlady klýbtyń baspasóz qyzmeti.
Belarýs mamany bul komanda tizginin birneshe ret ustady. Aldymen 2022 jylǵy maýsym ortasynda munaıly óńirdegi fýtbol klýbyna bas bapker bolǵan edi.
Al 2024 jyly «Atyraýdy» Qazaqstan Kýbogynyń fınalyna shyǵardy. О́tken maýsymda komandaǵa qaıta oralyp, klýbtyń Premer-lıgadaǵy ornyn saqtap qalýyna úlesin qosty.