Telegram messendjeriniń negizin qalaýshy Pavel Dýrov Confidential Compute Open Network platformasyn iske qosty. Atalǵan platforma aqparat izdeýde JI múmkindikterin qoldanýshylardyń jeke derekteri men qupııasyn 100% saqtaýǵa kepildik berip otyr, dep jazady Egemen.kz.
Pavel Dýrov jańa platforma Cocoon Amazon, Microsoft syndy júıelerge balama bola alatynyn atap ótti. Sondaı-aq jeli Telegram-daǵy sóılemderdi avtomatty túrde aýdarýǵa qatysty keı suranysty óńdeıtin bolady.
«Jelini qoldanýshylar Microsoft nemese Amazon sııaqty ortalyqtandyrylǵan provaıderlerge qaraǵanda tómen baǵamen esepteý resýrstaryn paıdalana alady. Qazirdiń ózinde arnaıy veb-saıtty iske qostyq. Jelini paıdalanýshylar jeke derekteriniń saqtalýyn ózderi baqylaı alady», dedi Telegram messendjeriniń negizin qalaýshysy.
Bıznesmen jelini paıdalanýshylar qataryn arttyrý maqsatynda aldaǵy aptada Cocoon-nyń fýnksııalyq múmkindikterin arttyrýdy josparlap otyr.