Mádenıet jáne aqparat mınıstrligi jáne «Azamattyq bastamalardy qoldaý ortalyǵy» KEAQ qoldaýymen Ulttyq volonterlik jelisi «Kazakhstan for Animals» jobasyn júzege asyrdy. Zoovolonterlik mádenıetti damytýdy kózdeıtin jobaǵa elimizdiń 20 óńirinen 1612 azamat qatysty, dep jazady Egemen.kz.
Bastama aıasynda jeti mektepte volonterlik klýb ashylyp, seriktes uıymdarmen birge 20-dan asa is-shara uıymdastyrylǵan.
Salaǵa qyzyǵýshy volonterlerdiń múmkindikterin arttyrý maqsatynda bazalyq bilim berý baǵdarlamasy ázirlengen. Baǵdarlama sheńberinde 886 adam bilim alǵan. Sonymen qatar, bastama aıasynda janýarlarǵa qamqorlyq taqyrybynda balalarǵa arnalǵan kitap, komıks pen anımasııalyq týyndy avtorlarynyń arasynda shyǵarmashylyq baıqaý uıymdastyrylǵan.
Mádenıet jáne aqparat mınıstrligi bastamany elimizdegi zoovolonterlik qozǵalysty ilgeriletýge jáne janýarlarǵa qamqorlyq mádenıetin nyǵaıtýǵa baǵyttalǵan mańyzdy qadam dep baǵalady.