Bir qaraǵanda, qazir álem túgel onlaın ómir súrip jatqandaı kórinedi. Alaıda BUU-nyń Halyqaralyq telekommýnıkasııalar odaǵy (ITU) jarııalaǵan jańa derekter bul túsinikti joqqa shyǵardy. Málimetke sáıkes, Jer sharyndaǵy ár tórtinshi adam, ıaǵnı 2,2 mıllıard turǵyn ómirinde ınternetke qosylyp kórmegen.
Zertteý shamamen 6 mıllıard adamnyń jelini belsendi qoldanatynyn kórsetip otyr. Biraq sıfrlyq teńsizdik áli de barshylyq. Ásirese Afrıkada jaǵdaı kúrdeli. Bul aımaqtaǵy halyqtyń 64 paıyzy ınternetsiz ómir súrip jatyr. Tipti tehnologııasy damyǵan Eýropanyń ózinde turǵyndardyń 12 paıyzy áleýmettik jelini qoldanbaıdy. BUU sarapshylary atap ótkendeı, ınternetke qoljetimdilik qazirgi zamanda jaı ǵana aqparat alý quraly emes, sonymen qatar bilim, densaýlyq saqtaý jáne ekonomıkalyq múmkindikke jol ashatyn negizgi faktor.