Otbasy sıfrlyq kartasynyń múmkindigi mol

Otbasynyń sıfrlyq kartasy (OSK) memlekettik organdardyń qoldanystaǵy barlyq aqparattyq júıe­leriniń derekteri negizinde qa­lyp­tastyrylady. Eńbek jáne halyq­ty áleýmettik qorǵaý mınıstr­li­giniń málimetinshe, onda elimizdiń 20 mln azamaty nemese 6,2 mıl­lıonnan astam otbasy týraly aqparat jınaq­talǵan.

OSK engizýdiń basty maqsaty – otandastardyń memlekettik qoldaý júıesine teń qoljetimdiligin qam­ta­masyz etý. Áleýmettik kodeks­te Otbasy­nyń sıfrlyq kartasy áleý­­mettik saıasattyń orta ári uzaq mer­zimdi mindetteri men baǵyttaryn aıqyndaý quraly retinde belgilengen. Sondaı-aq OSK azamattardyń áleý­met­tik mártebesine baılanysty kepil­den­dirilgen memlekettik qol­daý­dyń qandaı da bir túrin alýǵa qu­qy­ly eken­digin aıqyndaıtyn «elek­tron­dyq habar­lama».

Búginde memlekettik qoldaý sharalaryn alýǵa quqyǵy bar azamattar qandaı da bir ótinish joldamaı-aq OSK arqyly járdemaqylar men áleýmettik tólemderdiń 11 túrin rásimdeı alady. Atap aıtqan­da, eńbek etý qabiletinen aıy­ryl­ǵan jaǵdaıda áleýmettik tólem; jumysynan aıy­ryl­ǵan jaǵdaıda áleýmettik tólem, asyraýshysynan aıyrylýyna qatysty áleýmettik tólem; bala týý men kúti­mi­ne jár­demaqy, múgedektigi bar bala­ny tár­bıelep otyrǵan ata-anasy­na (qamqorshysyna) járdemaqy, múge­dektigi jónindegi járdemaqy, kóp­­balaly otbasylarǵa beriletin jár­demaqy, «Altyn alqa», «Kúmis alqa­men» marapattalǵan kópbalaly ana­larǵa beriletin járdemaqy, ataý­ly áleý­mettik kómek, jerleýge arnal­ǵan birjolǵy tólem.

Sondaı-aq OSK arqyly zeı­netaqy tólemderin alý, «qandas» már­­te­besi berilgende nemese uzartyl­ǵan­da mártebeniń aıaqtalý merzimi, jumys­syz adamdarǵa jumyspen qamtý sharalary týraly avtomatty habarlamalar joldanady.

Memlekettik qoldaý sharalaryn alýǵa quqyq belgilengen kezde áleýet­ti alýshyǵa 1414 biryńǵaı baılanys ortalyǵynan SMS-habarlama jibe­riledi. Habarlama alǵan azamat oǵan kelisimi týraly jaýap qaıtarýy kerek. О́tinishti rásimdep,  áleýmettik járdemaqy nemese tólem taǵaıyndaý avtomatty rejimde iske asyrylady. Sodan keıin aqsha qarajat alýshynyń bank shotyna aýdarylady. Tıisti oryn­dar alaıaqtyq táýekelin boldyr­­maý maqsatynda 1414 biryńǵaı baılanys ortalyǵynan kelip túsken SMS-ke jaýap berý qajettigin eskertedi.