Áleýmettik jelide saǵat 00:00-den keıin jol júrý kezinde kólik jyldamdyǵyn saǵatyna 66 km jyldamdyqqa deıin arttyrýǵa ruqsat etildi degen mazmundaǵy aqparat tarady. Ishki ister mınıstrligi (IIM) mundaı málimet shyndyqqa janaspaıtynyn málimdedi, dep jazady Egemen.kz.
IIM málimetinshe, jol-kólik qozǵalysyna baılanysty eshqandaı ózgeris engizilmegen.
Eldi mekenderde jeńil avtokólikter úshin ruqsat etilgen standartty jyldamdyq – saǵatyna 60 km. Al jol boıyndaǵy kameralar jyldamdyq saǵatyna 70 km nemese odan joǵary bolǵan kezde ǵana tirkeı bastaıdy.
«Tekserilmegen habarlamalarǵa senbeńizder, resmı aqparatqa júginińizder. Jol júrý qaǵıdalaryn saqtap, muqııat bolyńyzdar», delingen mınıstrlik taratqan habarlamada.