Jetisý oblysynyń mádenı ómirinde mańyzdy jańalyq — Bıken Rımova atyndaǵy Taldyqorǵan drama teatryna akademııalyq mártebe berildi. Bul mártebe Premer-Mınıstrdiń 2 jeltoqsandaǵy qaýlysy negizinde resmı túrde bekitildi, dep habarlaıdy Egemen.kz.
50 jyldyq tarıhy bar teatrdyń shyǵarmashylyq eńbegi, repertýardy baıytýy jáne kóptegen talanttardy tárbıeleýi joǵary baǵaǵa ıe boldy. Teatr ujymy bul jańalyqty erekshe qýanyshpen qabyldap, ony úlken qurmet ári jaýapkershilik dep aıtty.
Aıta ketsek, óńirde «BIKEN FEST» halyqaralyq festıvali dástúrli túrde ótkizilip keledi, bıyl oǵan birneshe elden toǵyz teatr qatysty.